Nikhoi tanö baero sola’a saitö samasui gambara logo mo’eluaha ia ba wahasambua awö wa’orahu si lö fa’aboto ba gotalua Nono Niha. Arögosali so sagö so la’a idanö kofi mo’eluaha ia ba wahasara dodo ba wangai angetula ero’ero so wamatunö ba wangahonogöi goigoi nifalua bakha ba wa’auri sero ma’ökhö. Fali’era, Lauru, Afore, sola’a saitö mo’eluaha ia sanandrösa ba wa’adölö, fa’atulö, fa lö falimo. Bola Nafo sola’ala’a mo’eluaha ia sanandrösa ba wahuwusa Nono Niha ba niha bö’ö. Eu Beringi sobulu ndru’u mo’eluaha ia sanandrösa ba wa’orahu Nono Niha ba wondrorogö Negara Indonesia andre bakha ba hasambua. Continue reading »

Maena fangonangona lafalua ia na no ahatö fabali ira zowatö ba dome. Itaria na tarongo döi maena da’a, so göi khöda wa’asöndrusöndru dödö börö me khalakhala wabalisa zalua baehada ba ginötö da’a. Hiza, na ha tafatunötunö manö döi maena andre, tatu lö aboto sibai ba dödöda heiwisa zikhala nifotöi maena.

Sinduhu nia, maena andre ba no sambua sinunö Nono Niha si so ndrotondroto nifulifuli furi. (Selalu ada refrein yang diulang-ulang dan diselingi dengan solo). Bakha ba döi maena andre oya sibai ngawalö ho’ae, amaedola nifo’ösi ena’ö tofakha ba dödö zamondrongo geluaha maena nifalua.

Tola tahalö Maena Fangona andre ba Format MP3. Halö Maena.

Fehede si mane da’a moroi yawa no fakhilikhili sibai. He wa’ae simanö, asese sibai lafake wehede da’a ira satuada föna ba wame’e menemene khö ndraonora sibohou ebua. Tatu manö manofu dödöda göi ba wehede da’a, hadia sibai geluahania sitefaudu? Datafaigi ia moroi ba ndrotondroto wehede. “Zaduadua” eluahania ‘no atua, no ara, no alawa ndröfinia’. Bakha ba lala wehede simane da’a tola tafo’eluaha ia ‘niha si no ara manörö fa’auri ba gulidanö andre simane ira satuada, ma zui niha soya mangi’ila ba morasoi fefu zami ba safökhö ba wa’auri. Tenga ha i’ila hörö faoma itahö tödö, hiza’i ifalua botonia. Na niha “Satuatua” tola tafo’eluaha ia ’soya fangi’ila, sabölö fangerangera, si so elemu, si no möi ba zekola’. Ba lala wehede si mane da’a tafo’eluaha ia niha sebua fangi’ila ba fangerangera, hiza’i ambö ifalua botonia, lö oya sibai zi no irasoi. (more…)

Hikayagu andre ba ha sagola hikaya nisöndragu misa ba danö worato. Tola göi labe’e mbua wangerangera ira talifusögu bö’ö zanandrösa ba hikaya da’a. Waterou dödögu wanura ba da’a börö me haya’ita ono niha zangila geluaha fefu nisura bakha ba Dowitowi andre. Me no itehe amada harefa wanura fefu hadia ia bakha ba Dowitowi andre, andrö wa utandraigö usura hikaya da’a sitobali famangelamada ba tola göi tobali fanga’azökhi buabuada misa ba danö worato gofu heza misa. Continue reading »

Fa’atulö khögu ba gulidanö, samösa lö sanayaigö,
Hewa’ae afökhö ba lö ata’udo, me lö faröi khögu zo’aya,

Ba no sa ebua (ba no sa ebua)
Nibe’enia (nibe’enia)
Fa’omuso dödö, I’asogö götö wa’ara
Ha sa khö Yesu utötöna.

Lö aboto ba dödögu haniha zokarangaini sinunö da’a. Hadia so ndra talifusö zangila?