No aboto badödöda wa Tanö Niha me tölu fakhe no ifadögö ia nifotöi fondruru danö. Oya zimate ae ba he göi harato niha khöda tekiko fefu, tobali niha khöda monönö lumanga ae. Lö ara me aefa wondruru danö, oya dolo-tolo moroi khö ndra talifusöda moroi siefo. ba töra-töra me famareta lafazokhi sambua gowuloa bawanolo ba bawobangu soi Aceh ba Nias nifotöi Badan Rehabilitasi dan Rekonstruksi Nias (BRR NAD-Nias).

Me bawa sifelendrua da`a NiasPost.Com mangawuli ba Danö Niha bawamaigi turia khöda sisa. So zumuso-muso dödöda natarugi Danö Niha ba so göi zahakhö dödöda. Omuso dödöda me famareta ifaigi wa`atosasada andrö, tadöna-döna ena`ö hulo danö niha ifuli tetolo ba aefa moroi bawa`alumanga. Me möi ndra`aga ba danö niha me bawa sifelendrua na hönö 2007 da`a, ba ta`akui oya maefu zi fabö`ö ba Danö Niha. Oya zitobali muso-muso dödöda, oya nomo sibohou, lala tefazökhi moroi yöu irugi miraya.

He wae oya nifazökhi BRR ba he göi LSM ma NGO moroi ba zafusi uli, oya nasa zilö te fazökhi irugi ia da`a. Tahalö duma-duma nia, lala soroi ba Gunung Sitloli simöi ba kecamatan Alasa lö nasa mufazökhi irugi bawa sifelendrua no. Lala nia fatambu-tambu ae, hulö tuna mbawi (kubangan) ba atau ita wetöro yaiya. Ba mö lö lala baera da`ö, niha moroi ba Galasa la törö manö lala daö.

Lala daö no fatambu-tambu nasa ba inöno na hili, moto sanöro lala andrö awena tola itöro ladöli iya faomo moto bö`ö. Nasimaö-manö hadia tola aura ita ma tola aefa ita moroi ba wa`alumanga? No tatu tebai. Da`ö ta döna-döna ena`ö famareta ifaigi da`a. Ba sambua na ni andröda saohagölo, lö hadia saae zi möro ba tendra. Me bawa sifelendrua da`a oroma wabanuada ibörögö ae omuso dödöra ba lasuno Lowalangi meno itolo ira irugi wanunu fandru, ta`angandrö-ngandrö ena`ö Tanö Niha tola maju mifönada.